TV Schedule
Ditari - Gazetarja palestineze: SHBA dhe BE të na ndihmojnë të jemi të sigurt
Ambasadori amerikan në Kosovë, Jeff Hovenier, thotë se projekt-statuti i diplomacisë perëndimore për Asociacionin i përmbush të gjitha kriteret amerikane rreth funksionimit të tij. Në Shqipëri deputetët opozitarë, ndezën përsëri mjete tymuese në Kuvend, duke kërkuar ngritjen e komisioneve hetimore që sipas tyre, socialistët po i bllokojnë për të fshehur korrupsionin e tyre. Shumica thotë se ish-kryeministri Sali Berisha po i përdor mbështetësit e tij për t’iu shmangur drejtësisë. Gazetarja palestineze Taseem Amro thotë në një intervistë për Zërin e Amerikës se Shtetet e Bashkuara dhe Bashkimi Europian duhet të maksimalizojnë përpjekjet që populli palestinez të ndihet i sigurtë, pasi sipas saj deri më tani, nuk kanë ndërmarrë hapa seriozë për t’i dhënë fund vdekjeve masive në Gazë.
