Këshilli i Mandateve në parlamentin e Shqipërisë, miratoi sot me 6 vota pro dhe asnjë kundër, kërkesën e prokurorisë së posaçme për arrestimin e ish kryeministrit Sali Berisha. Zoti Berisha nuk mori pjesë në mbledhje, por në një protestë të mbështetësve të tij para Kuvendit ku bëri thirrje për mosbindje civile. Në Serbi, rezultatet paraprake të zgjedhjeve kanë konfirmuar fitoren e partisë populiste në pushtet të Presidentit Aleksandar Vuçiç. Por ato po përcillen me tensione të shtuara politike për shkak të parregullsive të raportuara në Beograd. Intervistë me zotin Arben Çejku, drejtor ekzekutiv i Qendrës për Qeverisje të Mirë në Shqipëri.