Gjykata e Lartë e Kolorados vendos që emri i Donald Trump-i të mos jetë në fletën e votimit për zgjedhjet presidenciale të këtij shteti për shkak të rolit të tij në trazirat e 6 janarit 2021. Në Shqipëri, Gjykata Kushtetuese vendos të mos marrë në shqyrtim kërkesën për të interpretuar masën e sigurisë të kërkuar nga Prokuroria e Posaçme ndaj ish-kryeministrit Sali Berisha. Në fund të këtij viti, drejtori i sektorit të Euroazisë të Zërit të Amerikës, Dr. Elez Biberaj, del në pension. Për më shumë se katër dekada, ish-shefi i shërbimit shqip të Zërit të Amerikës ishte në shërbim të së vërtetes dhe mbrojtjes së vlerave që e kanë bërë këtë media një nga agjencitë më të besueshme të lajmeve në botë.