Qeveria e Kosovës urdhëron zbatimin e vendimit të Gjykatës Kushtetuese për pronat e Manastirit të Deçanit. I dërguari i Posaçëm amerikan për Ballkanin Perëndimor, Gabriel Escobar e vlerësoi këtë veprim si të vështirë por të domosdoshëm. Shqipëria publikon raportin për Parkun Kombëtar të Butrintit që do të shqyrtohet nga Komiteti i Trashëgimisë Botërore, por ky raport anashkalon përgjigjet për disa nga kritikat e forta të misionit të UNESCO-s ndaj autoriteteve shqiptare. Presidenti amerikan Joe Biden siguron emërimin e tij si kandidat i demokratëve, dhe ish presidenti Donald Trump siguron delegatët e nevojshëm për emërimin republikan, duke hapur rrugën për një përsëritje të garës së vitit 2020.