Në Shqipëri, ish presidenti Ilir Meta, drejtues i Partisë së Lirisë qëndron përmbi 3 orë në Prokurorinë e Posaçme. Në deklarimet e mëpasshme, zoti Meta la të kuptohej se ishte pyetur rreth çështjeve që lidhen me pasurinë e familjes së tij. Udhëheqësit e G-7-ës arrijnë marrëveshje për t’i dhënë Ukrainës një hua prej 50 miliardë dollarësh duke shfrytëzuar pasuritë e ngrira ruse si garanci, ndërsa ministrat e mbrojtjes së NATO-s shpresojnë të miratojnë plane për ndihmë afatgjatë për Kievin. E drejta për të mbajtur armë vazhdon të jetë një temë që i përçan amerikanët gjatë këtij viti zgjedhor në Shtetet e Bashkuara. Kandidatët Joe Biden dhe Donald Trump kanë qëndrime të kundërta për këtë çështje.